शान्ति पर्वShanti parvaमहाभारतMahabharataअध्याय ३५१Chapter 351
१. सूर्य उवाच
नैष देवोऽनिलसखो नासुरो न च पन्नगः
उञ्छवृत्तिव्रते सिद्धो मुनिरेष दिवं गतः
२. एष मूलफलाहारः शीर्णपर्णाशनस्तथा
अब्भक्षो वायुभक्षश्च आसीद्विप्रः समाहितः
३. ऋचश्चानेन विप्रेण संहितान्तरभिष्टुताः
स्वर्गद्वारकृतोद्योगो येनासौ त्रिदिवं गतः
४. असन्नधीरनाकाङ्क्षी नित्यमुञ्छशिलाशनः
सर्वभूतहिते युक्त एष विप्रो भुजंगम
५. न हि देवा न गन्धर्वा नासुरा न च पन्नगाः
प्रभवन्तीह भूतानां प्राप्तानां परमां गतिम्
६. नाग उवाच
एतदेवंविधं दृष्टमाश्चर्यं तत्र मे द्विज
संसिद्धो मानुषः कायो योऽसौ सिद्धगतिं गतः
सूर्येण सहितो ब्रह्मन्पृथिवीं परिवर्तते